寻址学海堂

白 话广州

喺上一篇文章入边，我讲咗应元书院嘅古仔。其实，喺短短一公里左右嘅应元路上边，仲有其他书院。今次，我要讲下一间大名鼎鼎嘅书院——学海堂书院。呢间书院系清朝道光年间（1824年）建造嘅，佢曾经培养出张维屏、陈澧、邹伯奇、梁启超呢啲人才。可惜嘅系，佢系清朝末年就荒废咗。

呢个湮没咗咁耐嘅书院，究竟系越秀山嘅边个位置呢？讲起身都几考人嘅。“城北越王山，一角如蓬莱。上有木棉花，下照读书台。”呢首古诗写出咗当年书院嘅位置。据记载，当时喺越秀山嘅山麓，自西向东分布住学海堂、龙王庙、菊坡精舍同埋应元书院，而家净系剩返应元书院呢个旧址仲可以辨认，其他嗰啲建筑都消失咗。

从《学海堂全图说》入边可以知道，当时嘅学海堂面积好大，周边仲筑有围墙，书院后墙外边往东少少就系越王台旧址，而佢嘅东北方系镇海楼。后来有人考证过，学海堂入边原来有一间文澜阁，民国初年，呢度曾建做粵秀楼，系孙中山先生嘅住处，1922年呢座楼都被战火夷为废墟，就系而家嘅“孙先生读书治事处”纪念碑。从呢啲可以知道，当时学海堂嘅主体建筑啱好就系中山纪念堂后边啦。◎阮栩 编辑

新闻推荐

越秀区华乐街华侨新村社区党委书记罗永丽： 倾听民情民意，做居民信赖的人

华侨新村社区党委书记罗永丽。受访者供图信息时报讯（记者黄绮媚）今年，是越秀区华乐街华侨新村社区党委书记、居委会主任...