趁墟，你去咗未？

白话广州

最近各地都喺大力发展夜间经济，广州亦都唔例外。广州嘅夜经济，除咗饮夜茶食宵夜唱卡之外，仲有行街——好多地方都开设夜市，越秀有庙前夜市，广州塔有潮墟，正佳都搞夏夜嘉年华。

讲起逛夜市，就谂返起以前嘅趁墟。粤语里边嘅“墟”，指嘅系集市。“趁墟”就系北方人所讲嘅“赶集”。以前喺广州城郊，东南西北面都有墟场。开墟嘅日子系约定俗成嘅，分一四七、二五八、三六九日。以前唔似依家，有超市ShoppingMall，可以逛街消遣嘅地方唔多，所以每逢墟日，去趁墟嘅人就特别多，有相睇会友嘅，有买嘢行街嘅，更多嘅就系摆摊做生意，场面热闹。

正因为热闹，广州人将呢种场景同“墟”结合起身，有咗“墟冚”呢个粤语词。所谓嘅“墟冚”，系指声势浩大，人声鼎沸嘅盛况。呢个词有时会叠用，“墟墟冚冚”，有嘈杂闹哄哄之意；再引申一下，有指某人行事张扬嘅意思。

当然，依家嘅广州人已经唔需要“趁墟”，因为我哋可以行街休闲嘅地方特别多。再叫你去“趁墟”，其实系叫你哋去“凑热闹”。依家夜市有得玩又有得食，得闲就真系可以去趁下墟，感受下热闹气氛。

◎闻歌 媒体人

新闻推荐

油罐车漏油 陌生男放火？ 别急，这是模拟情景而已越秀区开展应急救援演练，10个单位百余人参与

■模拟应对加油站内的油罐车出现泄漏，引发火灾的情景。新快报讯记者何生廷孙毅通讯员穗应宣摄影报道“油罐车卸油管脱...