做足功课 冇有使震
白话广州
早前发生咗一场唐山大地震的余震，勾起咗唔少人对呢次天灾嘅回忆。广州系福地，一向少有地震发生，但当年嗰场世纪强震对全国老百姓嘅心理都造成咗影响，广州人亦唔例外。嗰段时间，大家变得比较敏感，仲搞出咗唔少误会。
话说当年8月嘅一日，荔湾区克山有一处塘水突然又黄又浊，吓到街坊震腾腾，惊地震会发生。区里面就派人去睇，开头唔知咩原因。后尾，有个眼尖嘅望到旁边坑道有鱼仔游来游去，就思疑有人捉鱼，将塘底黄泥搅晒上来，先至令到塘水变浊。有见及此，工作人员就建议等半个钟再算了。果不其然，塘水十几分钟后就开始变清。咁样，大家嘅心先慢慢定番落来。
尽管地震极为罕见，但广州人嘅防震意识从未放松，防震等级一直参照住最新标准。就攞白云宾馆来讲，佢喺上世纪70年代建设，此前中国重要建筑物嘅防震设计都系靠人工估算嘅。但白云宾馆就率先使用计算机来计，结果自然精准好多啦。此外仲有广州塔，塔身同塔顶都有阻尼系统，遇到地震横波可以卸咗道力，咁就唔怕摇到散了。呢啲装备，至今依然与时俱进，守护住呢座城市嘅福祉同安宁。
◎梁倩薇 编辑
新闻推荐
扫码探访五星级养老机构“黄姨，喜好酸菜、云耳，不喜欢辣、煎炒”“周姨，喜好吃鸭肉，不吃牛肉”……在广州市荔湾区金宝养老院...