假如我系导游

白话广州

上周，广州本地嘅“跟团游”，喺暂停咗几个月之后，又重新推出，实在可喜可贺。睇咗下，第一个旅游团将目的地设喺从化及增城，呢点亦好啱时下嘅需求——唔少街坊喺屋企“困”咗几个月，去大自然走走正合心水。

广州城郊确实有唔少值得深入挖掘嘅旅游地点，唔单只山清水秀，空气清新，仲有浓郁嘅田园风味，结合农家美食、果蔬采摘，对城区市民来讲，好有吸引力。以“食”为例，从化嘅山坑螺、太和嘅烧鸡、南沙嘅粉藕等等，讲起都令人流口水。我谂，假如我系一个导游，首先要挖掘下呢啲美食嘅资源，每周推出一条深度嘅“舌尖之旅”，尤其要搵啲少为人知嘅乡村美食，唔单只老人家中意，连后生仔女都会忍唔住跟团。

假如我系导游，除咗考虑“食”之外，仲会谂下加阵嘅“玩”。譬如周末越野、健身、登山等。比如，推出针对亲子家庭嘅周末越野之旅，选择好玩又安全嘅乡郊山野路线，我谂应该有市场。

广州系一个旅游资源相当丰富，称得上“好玩又好味”嘅地区，有太多我哋未去过、未玩过嘅地方。另外，经历过疫情，街坊或外地游客嘅需求，会唔会有明显嘅变化，值得好好谂下。◎闻歌 媒体人

新闻推荐

喝水长大的蔬菜上市啦！ 从化植物工厂首批水培蔬菜昨日运往本地和澳门

工人们戴着手套、口罩和工作帽小心翼翼地采摘蔬菜。信息时报记者叶伟报摄信息时报讯（记者王智汛通讯员陈宝怡）经过19天...