广州嘅歌特式建筑

白话广州

前日，法国巴黎圣母院火烛，建筑损毁严重，好多人都感到痛惜。呢座建筑之所以咁受人关注，除咗有悠久嘅历史外，最重要一点佢系全球仅有四座全石结构哥特式教堂建筑之一，所以尤其珍贵。哥特式建筑？系咪有啲广州街坊似曾听讲过呢，冇错，前面提到“全球仅有四座”其中一座就喺广州，即一德路嘅石室圣心大教堂，大家习惯简称“石室”。

歌特式建筑1140年出现喺法国，喺中世纪高峰同晚期盛行于欧洲，主要用于教堂。佢嘅建筑特点包括有尖塔高耸、尖形拱门、大窗户同埋画有圣经故事嘅花窗玻璃等。

广州有两千几年历史，系中国近代最早开放通关口岸嘅城市之一。由于“通外”，所以广州一直有唔少西方特色嘅建筑，“石室”就系其中一个。佢喺1861年开工，1888年起好，至今有130多年嘅历史，系国内现存最宏伟嘅双尖塔哥特式建筑之一，有“远东巴黎圣母院”之誉。

虽然“石室”系广州唯一歌特式建筑，不过，受佢嘅影响，广州亦有一啲建筑参照咗呢种建筑风格，比如：北京路新华书店、爱群大厦嘅骑楼，以及沙面露德天主教圣母堂嘅入口，都属于仿哥特式建筑。

巴黎圣母院呢次损毁，希望佢可以早日修复，喺未修复前，如果各位街坊想参观歌特式建筑，不妨就近先睇睇广州嘅。

◎阿六 律师

新闻推荐

金融服务费为何成了行业“明规则”？广州有车商表示： 豪车贷款服务费：1%起步

调查西安维权车主曝出了一个行业“潜规则”即收取金融服务费。据新京报报道，陕西消费者协会相关工作人员15日表示，在消费者...