龙舟水到要祛湿

白话广州

每年嘅五月下旬到六月上旬，喺气象学上边有个好重要嘅名词——龙舟水。呢个词，睇字面意思就知道，呢种“水”同龙舟有关，系一种强降雨天气——呢种天气过后，好快就到端午，大雨带嚟嘅江河水位上涨，正好适合扒龙舟。

提到龙舟水，常年住广州嘅人都知道，呢种雨用“倾盆大雨”形容都系太斯文。但佢有个好处，就系每场雨都嚟得急走得快，夏季嘅翳焗亦都多得佢驱散。除咗降雨，龙舟水亦都有佢嘅本义——喺端午正日，唔少市民中意带小朋友去江边嘅亲水平台踩下水。因为按照民间传说，龙舟水有“去秽辟邪”嘅作用。

龙舟水期间，除咗扒龙舟之外，仲有一件事大家要注意，就系祛湿喇。由于短时间大量降水，空气里边嘅湿度大大增加，呢个时候刚好暑气渐重，所以湿气好容易屈喺身体里边。所以，大家要攞返阿妈珍藏嘅汤谱出嚟，睇下边款汤水可以祛湿清热。总嘅嚟讲，呢啲汤水嘅“点睛之笔”就系啲花花草草，譬如灯芯草、绵茵陈、木棉花、荷叶等等。仲有一啲豆类，都系阿妈靓汤嘅必备材料，譬如薏米、赤小豆。

总之，呢个时候要注意膳食养生，唔系好易搞到成身湿气嘎。◎李月婷 媒体人

新闻推荐

南都“周一见”曝光的天堂顶垃圾污染治理公益诉讼案，成为“法治公开课”因破坏环境资源保护犯罪 去年以来广州检察机关公诉414人

去年12月7日，南都“周一见”报道从化天堂顶垃圾污染一事，随后从化检察院立案调查。6月5日世界环境日前夕，广州市人...