拉西？拉筛！

白 话广州

同学老余系广州一间学校嘅英文老师，嗰日同佢倾起足球，佢话，粤语讲波好多专业用语都系英文译音嚟嘅，比如“脚趾屘拉西”，个“西”就系英文spin(旋转)嘅译音变音字。

余同学，小弟唔认同你嘅讲法，呢个“西”系粤语中保留落嚟嘅古汉语，同英文无关。

熟悉足球嘅广州街坊都知道，“脚趾屘拉西”系指球员用脚外侧踢出嘅“香蕉波”(旋转嘅弧线球)，因踢呢种波好讲究脚趾屘嘅力度，所以就咁叫。

不过，“拉西”个“西”亦只系粤语同音借字，正写系筛，古汉语写作簁。

筛系一种用嚟筛嘢嘅竹器用具，操作时系两只手揸住或左或右咁快速旋转，加上筛系圆嘅，咁坊间就用“筛”嚟形容旋转。所以，喺球场上，“拉西(筛)”“带西(筛)”“食西(筛)”等都系讲个波喺度旋转梗。

不过，余同学，喺粤语讲波嘅专业用语中，的确有好多你条友至爱嘅English，比如：窝里(Vo||ey，凌空)、笠死(Lob，吊入)等。

琴日凌晨3点，万众瞩目嘅欧洲杯开波啦，广州球迷又将会欣赏到精彩绝伦嘅“脚趾屘拉西”“窝里劲射”喇，正啊！

◎阿六 律师

新闻推荐

广州再推“非接触式”办税十条新举措领票办税缴费“零接触”

羊城晚报记者莫谨榕通讯员杨锐轩童凡11日，国家税务总局广州市税务局在原有线上办、网上办、掌上办举措基础上...