百年仓库“转行”

白话广州

最近，《广州日报》报道话，珠江边嘅近代洋行码头仓库区，一家与太古仓毗邻而居嘅百年“诚志堂仓库”被改建为幼儿园，经过活化之后，以朝气蓬勃嘅面貌焕发新生。

历史建筑要改变用途，听起嚟就好似“搬入去”咁简单，但其实，背后要做好多功夫噶。就好似诚志堂嘅外墙，睇落好光鲜，冇因为悠长岁月而蒙尘。但实际上，咁系因为建设嘅时候，外墙红砖都系由人工仔细擦洗过，先会呈现如今嘅光泽。

再比如空调，广州咁热，唔装空调当然绝对唔得啦。但按照规定，历史建筑外立面唔可以挂空调机，否则就会好难睇。为咗解决呢个问题，园方就只能将空调全部搬上屋顶放置。咁样做，其实铺管线会有啲麻烦；同时，管道太长，制冷效率比较低，平时亦会使多啲电费。但为咗保护历史建筑，呢啲功夫一样都唔可以悭。

如今诚志堂仓库改建嘅幼儿园，已经成为广州活化历史建设嘅一个重要案例。其中嘅技术亮点、保护意识、运营机制等，都被越来越多嘅人学习借鉴，运用到其他历史建筑之中。而呢啲案例嘅积累同经验嘅融会贯通，喺不久嘅将来，必将为广州历史建筑嘅保护同活化提供更多嘅宝贵经验。

◎梁倩薇 编辑

新闻推荐

前4月广州海关关区 市场采购贸易出口增21%

据广州海关统计，今年1—4月，该关监管市场采购贸易合计出口1014亿元人民币，较去年同期增长21%。该关关区内设广州花都皮革皮...