打卡“27层”
白话广州
某日落班经过海珠广场，发现广州宾馆乌灯黑火。第一个谂法：“唔系啩？广州宾馆都做唔落去？”跟手查下新闻先知原来系自己摆乌龙，广州宾馆围蔽只系改造。改造之后，呢间宾馆会变成四星级酒店。
广州最早嘅酒店群，形成于长堤同沿江路一带，最具代表性嘅就系第一代地标爱群大厦。爱群大厦喺广州独领风骚30年，直到广州宾馆兴建落成，佢呢个“第一高楼”先至让位。其实，老广州好少称呼广州宾馆做“广州宾馆”，大家中意叫佢“27层”。就好似环市东路上边嘅广东国际大厦，直呼其名反而不知所指，但叫“63层”就都知道喺边度喇。
以层数称呼一幢建筑物，多多少少反映出街坊对广州兴建高楼嘅自豪感。同今日嘅广州塔一样，无论系市民定系游客，当年都中意去广州宾馆“打卡”。尤其系嗰两部直达得云宫嘅观光梯，当年有幸去过得云宫饮茶嘅街坊可能唔记得自己食咗乜，但系就一定记得呢部电梯。即便系冇条件入去嘅，都会喺海珠广场或者海珠桥以佢做背景留影一番。
仲有个“秘密”，“27层”其实并冇27层，佢嘅顶楼系26层。26层之上嘅旗杆基座，就系佢嘅第27层。
◎李月婷 媒体人
新闻推荐
广州楼市首个“一区一策”新政来了 海珠发文要求新房交易执行“一房一价”，不得捆绑搭售或“双合同”
扫码看通知全文南方日报讯（记者/葛政涵）4月21日，广州市海珠区住房和建设局发布《关于进一步促进房地产市场平稳健康发展的通...