广州嘅“夏”

白 话广州

新闻讲，广州上个月22号起连续五日气温超过22度，到咗26号宣布“入夏”。

夏天，大家亦钟意叫做热天，咁入夏后嘅广州系未真正“热辣辣”呢？未必！上周四、周五就有冷空气嚟咗，早晚仲系凉浸浸。

气象部门系以数据认定广州入夏时间，但民间则认为“未食五月粽，寒衣冇入栊”，即以端午节为界限，过咗呢个节，广州先至正式系夏天，迎来阳光季节，唔会有冷空气，到时，日头气温闲闲地都超过30度，喺烈日之下行几步都会应咗嗰句歇后语“蒙古人打仔——大汗揼细汗”。

广州嘅夏天虽然热，但因属于南亚热带典型嘅季风气候，空气湿度大，所以比起嗰“四大火炉”城市，广州嘅“热”总体上仲系热得几舒服。

不过，广州亦有热得好难顶嘅日子，讲嘅系台风嚟之前嗰几日。因为气流下沉，嗰几日特别闷热，人好似身处一个大蒸笼里面，街坊俗称为翳焗。还好，台风之后就开始落雨，因为广州气候有“一场台风三日雨”嘅特点。连场大雨水将冲走嗰种闷热，但低洼地方就会呈现童谣所唱嘅“落雨大，水浸街”景像。

广州嘅“夏”有风有雨有阳光，认真热闹。◎阿六 律师

新闻推荐

第五届广州金融服务之星评选启动 本月开始申报，对象为金融、类金融机构及其职工

南方日报讯（记者/陈颖）4月9日，记者从广州金融业协会获悉，主题为“提升服务·定义价值·发现最美”的第五届广州金融服务之星...