再讲“牛”地名

信息时报 2021-03-25 04:39

白话广州

过年期间，信息时报推出《牛年寻“牛”》系列报道。其中最重头嘅，系同“牛”有关嘅广州地名。

关于“牛”嘅地名，报道嘅只系其中好少好少一部分。呢啲地名，同地形以及同牛相关嘅产业有关，譬如曾经养过牛嘅，开过牛奶厂嘅，做过牛皮作坊嘅等等。虽然呢啲地名直白简单，但正因为咁样，我哋而家先可以了解广州当时嘅人情风貌。

今日要同大家简单讲下嘅，系两个同战争历史有关嘅“牛”地名。第一个，喺广州城郊，叫做“牛山”。呢座牛山亦都叫“红山”，具体位置喺依家嘅文冲造船厂里边。佢有咩特别之处呢？据讲，牛山所在嘅位置地势险要，当年鸦片战争爆发前，林则徐就喺呢个地方抢修炮台，居高临下俯控狮子洋面。后来，清朝又派人重修呢度嘅炮台，当年一共有七门大炮。而家呢个牛山炮台遗址，系市级文保单位。

另一个，系三元里嘅牛栏岗。牛栏岗系当地人叫嘅，地图上边揾唔到呢个地名。佢嘅出名，同上边嘅牛山炮台有关。据讲，当时三元里民众就系喺牛栏岗呢个地方抗击入侵英军，迫使佢哋退守。呢个地方，后嚟起白云机场嘅时候就冇咗喇，而家系大家都熟悉嘅机场宿舍区。◎李月婷媒体人

据新华社电最高人民法院近日发布了侵害知识产权民事案件适用惩罚性赔偿相关司法解释。最高法15日发布6件侵害知识产...