古老花市（下）
白话广州
上次讲到广州最早嘅花市唔系兰湖花市，而系花渡头，据讲同几个城门亦即系城门口花市有关。城门口花市，最出名嘅系五仙门花市同埋双门底花市。
五仙门（唔系五仙观），喺依家海珠广场西侧嘅沿江路上。呢个城门靠近珠江，地理条件得天独厚。以前广州城内嘅花，多数都系从河对岸嘅河南同芳村过嚟，于是乎，河对岸久而久之就形成一个码头。呢个码头，就系花渡头。具体位置，就系依家嘅解放桥桥底、同庆路路口，以前呢度仲有个“花洲古渡”牌坊，后嚟移咗去晓港公园。
话花渡头系广州最早嘅花市，其实倒不如话佢系最早嘅花卉集散地。据讲当时呢个码头天未光就热闹非常——因为花多船少，啲卖花姑娘将花担到跃龙桥边等渡船，空气之中花香弥漫，估计呢度嘅船家渡花、渡人都咁开心。
提到老花市，当然唔少得芳村。之前提到嘅大策花市，就系芳村嘅一个鲜花批发市场。不过，老一辈嘅街坊提到佢，都中意叫佢做“观音庙旧前花墟”。呢个花墟系个天光墟，每晚十二点开市，天光散墟——估计就系赶住去花渡头坐船过对岸，将花卖入城。
当年咩花最受欢迎？素雅嘅素馨系大家嘅最爱。
◎李月婷 媒体人
新闻推荐
活动现场。受访者供图信息时报讯（记者梁海祥）3月8日上午，农行广州海珠支行联合海珠区委政法委、海珠区农业农村局在东风...