“汤丸”与“汤圆”
白话广州
大家都知道，标题所讲嘅系同一样食物。
啱啱过去嘅元宵节，无论系广州人定系外地人，都会食下标题所讲嘅呢种食物，应节嘛。
但大家有冇发现，标题所讲嘅呢种食物，广州系叫汤丸，而外地(主要系外省)系叫汤圆，点解呢？
先讲下呢种食物嘅来源。据传宋朝时，明州（宜家宁波市）兴起一种用糯米粉搓成圆形，里面用黑芝麻、白糖做馅嘅水煮食品，大家就叫呢种食物做汤圆。
所以从来源上讲，“汤圆”系正宗叫法。
咁广州人点解又叫成“汤丸”呢？小弟线上线下搜过几轮，都揾唔到答案。
小弟推测，“丸”嘅叫法可能同广府人讲究文字读音上要催吉避凶呢个习俗有关，事关粤语“圆”同音“完”，叫“完”容易联想到玩完（粤语系完蛋意思），所以大家就改用近音字“丸”。
荔湾区某栋江边建筑，别名叫做“××圆”，落成时呢个名就备受街坊议论，宜家好多人宁愿叫佢做“大铜钱”，都唔愿叫“××圆”，原因就同唔叫“汤圆”一样。
不过，叫“汤圆”又好，叫“汤丸”也罢，字义基本相同，讲嘅都系同一样嘢，只系各自表述。
◎阿六 律师
新闻推荐
7.15米层高的房子在中心区很罕见楼盘位置：荔湾区岭海街12号华大物流地块主力户型：64-81平方米复式大致价...