元宵闹花灯
白 话广州
听日就系元宵节，按照旧时广州民俗，元宵就一定有灯会，而且都系大阵仗。
据讲，广州嘅元宵灯会从唐朝嗰时就已经开始嘎啦，呢个灯会从官方到民间都好重视。到咗南汉嗰时，闹花灯嘅习俗到达咗顶峰——元宵嗰晚，喺六榕寺嘅花塔，上上下下点满灯烛，要同月光比下边个更光，所以又叫做“赛月灯会”。原嚟嘅元宵灯节得嗰三日（正月十四到十六），到咗后嚟，从正月初十就要“开灯”，宗祠、土地庙呢啲都要点灯，正月十三系“试灯”，正月十四就正式进入“灯节模式”。最出名嘅就系归德门（解放路和大德路交界）嘅灯市，常见嘅有大三星灯、百花莲藕灯、鱼灯。到咗清朝，仲多咗“游灯”呢个项目。清代有一首《竹枝词》，就写咗当时闹元宵嘅场景：“鱼灯万颗耀长空，闹热元宵处处同。顶马狮龙人物好，衢歌巷舞尽儿童。”
而家，我哋睇花灯，随便行入一间公园都可以睇到。仲有广府庙会呢啲大型民俗活动。往年，元宵前后都举行广府庙会，因为疫情防控嘅原因，从旧年开始就冇喺现场举办。而今年一于将成个庙会搬到咗线上，创新噉举行“云游庙会”，感兴趣嘅市民不妨用手机嘅小程序嚟观赏。◎阮栩 编辑
新闻推荐
汤圆500架无人机组成的第一组造型便是一碗汤圆，三个象征汤圆的圆环里有红色点亮“元宵节”三个字。宫灯...