古老花市（上）

白 话广州

今年过年，变化最大嘅，应该系传统花市改为线上线下结合嘅方式举办。不过年前城内气氛依旧热闹，好多街坊揾到新乐趣——往年行花街就可以买金桔桃花，今年索性就去田间地头搬一盆、斩一棵返屋企。唔少人仲话，估唔到自己去买咁平喔。

讲起花市，大家一般都就近去行屋企附近嘅。不过大家都知道，好几个区嘅花市都系曾经搬过地方嘅。譬如海珠区嘅花市，以前喺江南西，依家搬到滨江西；再早啲嘅东山，之前花市喺东川路，之后搬咗去大沙头。所以，花市喺边到开，喺唔同嘅年代系有唔同嘅地点嘅。

今次准备分两期，同大家讲下广州嗰啲古老嘅花市。

喺广州，最古老嘅花市系兰湖花市，之后系大策花市、城门口花市、桨栏路花市同太平路花市。兰湖，熟悉广州历史嘅街坊会知道同佢相关嘅流花湖。兰湖依家已经冇咗，佢当时喺象岗山到人民北路一带，系广州城内比较大嘅天然湖，后嚟变成一片泥泞沼泽。啱啱提到嘅人工湖流花湖，就系兰湖嘅一部分。据讲，汉唐时期嘅兰湖，就已经停满咗卖花嘅船艇。

不过亦都有人话，广州最早嘅花市唔系兰湖花市，而系花渡头。至于点解，下次再同大家详细讲。◎李月婷 媒体人

新闻推荐

羊城春暖木棉红

新快报讯记者毕志毅摄影报道近日,广州天气晴朗,气温宜人,城中多处鲜花盛开。这不,在海珠区江南大道上,木棉花盛...