粤语里嘅“牛”
白 话广州
又到牛年！先祝大家今年牛气冲天，旧年唔好嘅嘢统统走晒。讲到牛，喺广州话里边，可以用嚟形容人或者形容物品，数不胜数。
先嚟讲下形容人嘅。用喺人身上边，呢只“牛”就系脾气唔多好嘅。譬如“牛精”，系话一个人霸道蛮横，唔讲道理；“牛颈”或者“牛咁颈”，即系话佢硬颈，固执，边个讲都听唔入耳。有句歇后语，“牛嚼牡丹——唔识花共草”，即系话只牛走去食牡丹花，但食落口以为系草，形容一个人唔识货又或者唔识食。
“牛”亦都可以形容人嘅体格。例如“牛高马大”，话一个人身体强壮；“牛龟咁大只”，呢个词就略带贬义，大意就系话某人四肢发达，但系头脑简单。
喺广州话里边，广州人中意叫生日做“牛一”。点解呢？据讲有啲人尤其系细路仔比较“小器”，过生日嘅时候唔能够讲出来，于是广州人就将“生”字上下拆开，将佢变成“牛”同“一”。
讲到细路仔，都有唔少“牛”同佢哋有关。譬如教佢哋做功课嘅时候，家长会觉得系“拉牛上树”。其实呢句话系一个民俗，喺广西柳州，仲有拉牛上树杀牛敬供呢种活动。拉一只牛上树系几咁困难，真系同教一个小朋友做功课冇乜分别嘎。◎李月婷 媒体人
新闻推荐
五谷丰登(岭南腊味糯米饭)，寓意新的一年风调雨顺，硕果累累。开栏语新春佳节已至，留粤过个粤味新年。源远流长的广府文化...