花街与人流

白 话广州

广州今年依然有花街行，不过，好多地方嘅花街因应防疫要求，规模都有所“缩水”，比如西湖路嘅中心花市，档口比往年就斩咗一半。

花市档口嘅减少，系咪意味着人流就会一定相应减半而达到防疫效果呢？我觉得唔会啰。

大家都知道，广州街坊行花街买年花，系每年过年实唔少得嘅节目，系一种刚需。

宜家你花档2-1=1，但行花街嘅人并唔会跟住你减半而减半嘅，亦即系讲，你摆160档同摆80档，嚟嘅人都系差唔多。咁就可能会出现，档口减半嘅花市，行花街嘅人冇减而造成人员更密集嘅情形。

花街要行，人流要控，咁点办呢？

小弟认为，可鼓励各街道多搞一啲街边临时花档，分流一下人流。

大家应该有印象，以往每年过年前嗰六七天，广州好多街边、路边都有摆卖嘅临时花档，因为方便实惠，所以好受欢迎。但最近呢几年，呢种“花市”好似少见咗喇。

前面讲过，行花街系广州街坊一种刚需，但今时今日嘅形势下，如果有多个选择，好多人嘅刚需就未必一定要逼埋去到西湖路实现嘅。

当然，呢种“花市”气氛同“大花市”冇得比，但胜在人流唔会密质质，行得安全、买得放心喔。◎阿六 律师

新闻推荐

广州警方严打出售、贩卖个人银行卡、电话卡等违法犯罪行为 3个月抓获犯罪嫌疑人3200余名

深圳特区报广州1月19日电（见习记者李竹通讯员区靖雯张毅涛）2020年12月，一支名为“猎诈”的突击队蹲守在广州天河、白云、黄...