花、羊、塔
白话广州
喺广州，你见到嘅电灯柱、座椅、井盖甚至座椅，都将融入“广州味”。上周有新闻话，广州公布咗一个指引，“花、羊、塔”呢三种广州嘅经典元素，同岭南传统建筑构造元素，都会体现喺13种“城市家具”里边。
加阵，喺中山一立交桥底嘅护栏，就有羊城唔同风景嘅图案；喺海珠嘅领事馆区，路上亦会见到地下嘅井盖图案都有广州嘅风景；喺广州塔，连垃圾桶，都系塔身嘅弧线形状，吸引咗好多游客嘅目光。
唔少街坊都对呢样变化竖起手指公。之前，曾有网友开玩笑，如今唔少城市睇落去，都差唔多一个样。譬如，你揾某个城市，随便喺街头巷尾影张相发到网上，估计十有七八都分唔清喺边个城市。加阵，就好似企业讲VI（视觉识别）咁，广州亦喺呢啲“城市家具”中，加入自己嘅VI，唔单只凸显呢座城市嘅特色，对城市嘅旅游、文化，都会有促进。
计我话，唔单只灯柱、井盖呢啲细件嘢，“大件”嘅高楼、小区，亦可以加入来，喺佢哋嘅建筑结构、外立面、楼顶装饰等，加啲广州元素，比如木棉花嘅造型，珠江水嘅流线，相信我哋呢座城市会更有“味道”。◎闻歌 媒体人
新闻推荐
■海珠区在售一手楼金融街·融御、时代大家等。资料图片近日，海珠迎来一轮“热启动”，一方面，新房成交按下“快捷键”，11...