坐月与猪脚姜
白话广州
孕妇生仔之后休养嗰一个月，广州人称为“坐月”。有关坐月嘅习俗，可以讲各处乡村各处例，而广州人坐月习俗嘅最大一个特点，小弟认为就系食猪脚姜。
猪脚姜(亦简称为姜醋)，就系用甜醋将猪脚、生姜、鸡蛋等煲熟。
坊间认为，产妇生仔后身体会“入风”，食猪脚姜可以“祛风驱寒”。
事实上，从科学角度睇，猪脚姜对产妇的确有利，比如讲，猪脚含有丰富嘅蛋白质同埋骨胶原，可以帮产妇奶水分泌；而甜醋又可分解出猪脚骨头嘅钙质，有助产妇吸收钙质；鸡蛋更唔使讲喇，本身就含有好多人体所需嘅营养素。
猪脚姜虽然系坐月补品，但唔系只有产妇先可以食，佢另一个“职责”就系作为答谢亲友祝贺嘅回礼。
喺广州同埋珠三角一带，但凡上门探望坐月嘅产妇同BB嘅亲友，都会得到主人家送上一碗猪脚姜答谢，呢种做法已经成为一种习俗。
广州人公布喜事嘅用词，有时会比较含蓄，讲“请饮”系话结婚摆酒啦，而讲“请食姜醋”就系话添丁啰。所以猪脚姜意义非凡。
最近，广州开始评选优质月子中心，相信呢啲优质嘅月子中心都会有猪脚姜呢个“标配”吧。
◎阿六 律师
新闻推荐
《楼船铁马刘寄奴：南北朝启幕战史》李硕著文津出版社2020年7月●张向荣最近读了李硕写的刘裕传——其实李硕就是要写一本...