总站：东山

白话广州

某日晏昼，喺中山四路财厅前等车，一对三十来岁嘅男女因为坐车问题展开讨论，两个人讨论嘅焦点系“东山”呢个站到底喺边。

前因后果系咁嘅：呢个车站个站牌上边有电车线亦都有普通公交线，全部往东行。102同108终点站写“东山总站”，而215嘅终点站系“东山”。佢两个就系唔知道“东山总站”同“东山”嘅区别。

假如呢两位系初来步到嘅外地游客，唔知呢两个站嘅区别好正常。但系听佢哋对话应该系本地人，咁就有啲费解喇。即便对东山唔熟，又或者后生仔只知越秀不知东山，但系电车总站都知道啩？呢个站，系广州新电车系统最古老嘅电车总站，有成60年历史。102同108大大个字写住“电车”，咁佢哋嘅总站梗系东山口嗰个电车站啦。至于215嘅“东山”站，假如你一时反应唔过嚟呢个站喺龟岗，但睇下路线就知道，佢行东华东嘎。其实好耐以前署前路都有个公交总站，就喺东百对面。不过呢度地方太细，停唔到公交车，所以后来就冇咗，跟住龟岗就多咗个总站喇。

睇嚟后生仔得闲应该补习下，再唔系公交公司做站牌嗰时加多个括号，电车总站加“东山口”，东山嘅就加“龟岗”吧。◎李月婷 媒体人

新闻推荐

300余场花式文化活动迎中秋国庆 越秀公园打造光影大秀 云台花园上演视听盛宴

越秀公园打造光影秀。信息时报记者叶伟报摄信息时报讯（记者黄熙灯通讯员穗林园宣）越秀公园打造光影大秀，云台花园上...