睇“榜”揾食
白话广州
新闻话，广州美食节今个月中就开锣，一直搞到年底。今年有个新玩法，就系会整一个“广州滋味榜”，据讲系广州首个官方美食评价体系咁话。
所谓“各花入各眼”，边样嘢好食，其实冇标准答案嘅。不过，参考下各种榜单，睇下某啲网络点评，唔少食客都会。譬如，出去行街肚饿，顺手打开手机，搜下最近边间店有啱食嘅嘢。呢类“榜单”，有啲侧重于食客嘅意见，有啲侧重于评选方平台嘅意见。佢哋嘅好处系便利、快捷；唔好嘅地方亦有，譬如“评点”太多主观性，甚至有唔少“水份”。
我就试过，有次喺一间口碑非常好嘅西餐厅食嘢，发现口味其实十分嘛嘛，而且服务员态度奇差。当时谂，如果有个“宁愿挨饿都唔食”嘅榜单，我一定会推荐嗰间店。所以话，口味呢样嘢，一百个人有一百种选项。
呢次，广州要搞个新嘅“滋味榜”，值得期待，毕竟多一个榜单作为参考，增加客观性，对我哋哨街揾食有帮助。计我话，“滋味榜”应该多啲通过“暗访”等方式进行试食或打分，确保公正；仲要多啲挖掘广州大街小巷唔出名但出品或者服务好嘅美食店，成为广州人自己嘅揾食指南。◎闻歌 媒体人
新闻推荐
信息时报讯（记者何小敏通讯员穗建）为进一步加强广州市城市与建筑设计工作，树立精品意识，推进广州高质量发展，9月12日，广州市召...