怀念听古时代

白话广州

新闻话，粤语讲古“非遗曲艺说书场”日前喺越秀区博物馆（五仙观）正式挂牌。除咗定期讲演呢啲例牌节目，仲要开展青少年传承人培育同埋粤语讲古艺术史展览。

听古仔，系好多人嘅回忆。上个世纪八九十年代，粤语讲古真系“一古风行”。嗰时，电视机仲未好普及，听电台就成咗普罗大众嘅主要娱乐节目。每晚六点，个个都伏住嗰电台听古仔：“前文再续，书接上一回……”听住呢啲熟悉嘅开场白，几乎家家户户都喺一边食晚饭一边听住古仔。“听古仔送饭”，就系咁嚟嘅啦。

我仲好清楚噉记得，第一次听嘅古仔系《西游记》，系由林兆明讲嘅。粤语讲古，除咗听起身令舍亲切之外，仲因为古仔系用粤语口语重新演绎嘅，你会听到好多粤语歇后语、俚语，粤语盏鬼情节生动，嗰时追古仔就同追电视剧一样，晚晚都要担凳仔霸头位，伸长个耳仔嚟听。粤语古仔受欢迎嗰时，几乎个个电台都开设呢个节目。从开始嘅晚上六点钟讲古时段，扩展到中午嘅十二点，而且讲古嘅题材都越嚟越多。

而家粤语讲古已经少咗人听，系老城区嘅街头巷尾，偶尔仲会传来熟悉嘅讲古声。◎阮栩 编辑

新闻推荐

越秀为区属中小学所有课室装空调 已采购超过2000台，家长不用掏一分钱

今年7月，信息时报关于课室装空调的报道引发家长热议。东风东路小学的功能室已装上空调。□本版统筹信息时报记者...