从化特色小镇

白话广州

啱啱过去嘅小长假，毫无意外噉火热，嗰几日嘅天气仲创咗历史纪录——系十年嚟最热嘅一个五一假期。喺呢个假期，好多人喺朋友圈晒咗同一个地方——从化。新闻话，从化区5月1日至5日共接待游客38.57万人次。

从化向来有“广州后花园”嘅美称，好多人首先会谂到石门森林公园、流溪河森林公园、溪头村。其实，从2016年12月开始，从化就致力于打造“特色小镇”旅游。呢啲小镇，其实就系从各条村升级嚟嘅。好似莲麻小镇、南平静修小镇，原来就系莲麻村、南平村。升级咗嘅特色小镇，保留咗原始淳朴嘅山野田园风光，好多配套设施都不断完善，迎接游客。

每个小镇都有唔同嘅特色，西塘童话小镇就有动漫主题，可以游览稻田风光，又可以同稻草人、风车影相；西和万花风情小镇就系用花做主题，有以樱花、玫瑰为主题嘅公园；而南平静修小镇就主打悠闲徒步，沿住村入边嘅嗰条溪水，漫步林间，攰咗直头就坐喺溪边唞下，双脚浸住溪水，吹住风，不知几舍意。好多家庭都系带住细路嚟度玩水避暑。

徒步、露营、摘果、食农家菜，呢啲都系嚟从化嘅例牌节目。有咗呢啲小镇，嚟从化玩嘅节目就更加丰富啦。

◎阮栩 编辑

新闻推荐

高产不用土 植物工厂出品蔬菜来了 广东首个植物工厂首批成熟蔬菜销往澳门

植物工厂的工人把菜苗插到苗床上种植，19天后就可以收获。南方日报记者符超军摄南方日报讯（记者/宾红霞朱伟良）身穿无尘服的...