饮茶与睇书
白话广州
一盅两件再加一份报纸，系广州茶楼嘅经典景象。上周四系“世界读书日”，海珠区妇联就发出咗一个倡议，叫“一杯茶，一本书，一家人。茶香伴书香，家庭共成长。”
书同茶一样，都系可以慢慢“叹”嘅嘢。一篇优美嘅文字，同一啖浓郁嘅铁观音咁，令人回甘。其实，加阵广州有唔少独立嘅书店，系服务中加上咗“茶”呢个元素，读者可以坐低慢慢睇，慢慢叹。攞住一两本书，只需要买一杯茶，或者一杯咖啡，就可以选择一张窗边嘅台椅，享受一段宁静嘅时光。呢几年，类似嘅文创式改变，使唔少本来处于下滑状态嘅书店，生意好转。
我谂，饮茶嘅时候，如果打开书本、报纸甚至手机，睇啲嘢，会令胃口大开；又或者睇书阵时，有杯茶、咖啡甚至点心小食，刺激下胃口，同样会令精神大振，乐趣大增。呢两样嘢，一类系精神嘅享受，一类系生理嘅满足，可以融合、搭配得咁好。
我甚至谂，除咗茶楼同书店，如果喺大大细细嘅图书馆，亦搭配类似嘅服务，同样会增添睇书嘅快乐。当然，图书馆系公共场所，呢类服务嘅前提，系唔可以将公共嘅书籍整污糟，而且唔影响周围读者。◎闻歌 媒体人
新闻推荐
为做好防疫工作，小区对进入社区人、车实行严控管理。信息时报记者谭啟菊摄信息时报讯（记者谭啟菊通讯员吴韵诗）位于海珠...