清明祭祖嘅美食
白 话广州
今年受疫情影响，广州殡葬服务场所暂停清明期间嘅现场祭拜。好在，仲有网上拜祭同其他拜祭方式。
与网上拜祭唔同，传统嘅现场祭拜好有仪式感，而祭祖嘅食物都好有特色嘅。好似烧猪肉噉，传统嘅“太公分猪肉”除咗祠堂嘅春秋两祭外，清明都会出现。以前，生猪肉一般唔可以带上山嘅，上山祭扫好多都系带烧肉，用“金猪”祭祖呢个习俗喺广府地区流传咗起码成千年，喺百几年前嘅《花县志》曾记载过分猪肉呢嘅场景。
除咗烧肉，拜山嘅祭品仲有松糕、软皮煎堆、甘蔗、包子等。点解甘蔗都系祭品？据《番禺县志》载，两百几年前，番禺好多地方就种植果蔗。每到清明前后，“潭洲白蔗”就开始畅销，历来都系郊游扫墓最合适嘅果品，因为甘蔗携带方便，又甘甜多汁。广州人习惯将蔗嘅两头都斩到尖尖哋，取义“甘蔗旁生，以衍宗枝”。祭扫过后，会将吃过嘅蔗渣掉喺坟前，仲会将包蚜碎后撒喺度，都系寓意保佑子孙“开枝散叶”。
艾糍都系清明节嘅应节食品。南方春天阴雨多，湿气重，艾草长得正茂盛，食艾糍最适合不过。喺增城人做嘅传统艾糍入边，仲会加入花生米、糖碎粒、黑芝麻、红豆沙等馅料。◎阮栩 编辑
新闻推荐
刘祥团（右）在广州南站当志愿者。多年来，帮助别人已成为他的一个习惯。刘祥团【做志愿工作四年，他的服务时长超过4000...