越秀南站变身

白话广州

越秀南客运站嗰块地，究竟攞来做乜？寻日，有记者终于睇到一份公告话，将建造东园文化广场，首期有望一年完成。

呢个广州最古老嘅客运站，随着城市急速扩大，其实一早就有啲阻头阻势了。早喺2012年，佢搬迁嘅风声就已经传咗出来，有媒体话，可能要建“东园革命一条街”——之不过，当时无即刻就拆。事关广州乃至广东嘅交通网络都无而家咁发达。非繁忙时段，佢每日假假哋都要发送5000人次左右；遇到春运呢啲高峰期，一日要送走万几人次，惗吓都好有存在感。

但城市毕竟系持续发展嘅。之后，广州交通布局延伸，包括航空、航运在内嘅“三大国际战略枢纽”成为新增长极。街坊开始感受到，中长途出行选择越来越多，时间不断缩短，以小时计算嘅跨城市生活圈持续扩展……于是，愿意坐大巴跨省嘅人开始变少，越秀南客运站嘅客流一直下降，到2019年，日均客流已经跌到每日1000人次。服务广州69年，金盘洗手，亦都系时候了。

如今，东园文化广场建设已经提上日程。希望可以早日建成，就好似旁边旧广九铁路文化遗迹咁，继续用一种优美嘅姿态，讲述呢座城市久远嘅历史了。◎梁倩薇 编辑

新闻推荐

国家邮政局呼吁，在防控疫情的同时，为快递小哥稍开“方便之门” 快递可以安心收 派送过程多环节消毒

■广州已有小区设置快递临时放置区，支持无接触取件。■寄件可网上预约，快递网点未出现排队等候情况。自新冠肺炎疫情发...