“烧卖”与“烧麦”

白话广州

睇到呢个标题，可能有广州街坊讲：呢两样嘢唔系一样咩？

烧卖同烧麦唔一样嘎，前者系广式食物，后者系北方食物。

烧麦最早系北方一啲城市嘅茶馆小食，因外形似一朵花，大家就叫佢做“稍美”，后嚟变音为“烧麦”。亦有一种讲法，话烧麦因可以“捎带着卖”而得名。

广式嘅烧卖虽然历史亦好长，但俾北方烧麦迟“出世”。广州饮食界一直认为，广式烧卖系“抄袭”北方烧麦嘅，即系喺烧麦嘅基础上改良嘅食物。

咁两者有乜嘢唔同呢？

烧卖同烧麦有几个区别：一系皮唔同。烧卖嘅皮系用生鸡蛋加水搓成嘅，口感爽润唔腻，而烧麦嘅皮系用烫面加水搓成；二系馅唔同。烧卖有猪肉、牛肉、鲜虾做馅，烧麦很少用牛肉、鲜虾做馅；三系外形唔同。烧麦个口嘅边包得比较紧，形状更似一朵花，烧卖个口就好大，边包得粗糙啲，件头上比烧麦矮，所以望上冇烧麦靓仔。

另外，或者系想同烧麦有所区别吧，广式烧卖全称系叫干蒸烧卖，平时则简称为干蒸，如猪肉干蒸、牛肉干蒸。北方烧麦只叫烧麦，唔会叫干蒸。

最近听讲，越秀区准备将广式烧卖制作方法列入非遗申请候选名单，如果成功，咁“干蒸”真系蒸蒸日上啰。

◎阿六 律师

新闻推荐

越秀区建设街率先建立建设地区党建联盟，建立“四级响应、上下联动”工作机制 居民有所呼 街道马上应

社区医院医生帮老人测量血压。受访单位供图高血压老人晕倒，街道三个部门都来了，照顾老人忙到午饭都来不及吃；公交站没有座椅...