社区生活圈

白话广州

前几日我去应元路搵朋友，唔觉意行到隔篱嘅三眼井社区，忽然见到路边嘅墙上边贴住一幅社区15分钟嘅步行地图。认真睇完之后，觉得呢个地图真系好便民。佢系以越秀山为圆心，喺地图上画咗三个同心圆，分别系5分钟生活圈、10分钟生活圈、15分钟生活圈。喺呢啲生活圈入边，唔单止标注咗附近嘅街道办、居委、医院、银行、学校、景点，各个居委仲标埋地址同电话。

有咗呢三个圆做参照，无论身处边个位置，都可以快速定位，对自己嘅目的地更系一目了然。就好似我当时喺应元路嘅位置，如果要去马庄巷社区居委会，睇住地图，就知道约莫要行八九分钟。

查咗资料先知道，广州早两年已经编制新一轮嘅城市总体规划，嗰时就开始重点打造15分钟嘅社区步行生活圈，喺呢个范围入边，配备有生活所需嘅基本服务项目同埋公共活动空间。

根据《广州市国土空间总体规划（2018-2035年）》草案，到2035年，主城区、南沙副中心同埋外围城区，都要实现卫生、教育、文化、体育、养老等社区公共服务设施15分钟步行可达覆盖率90％。希望到时呢啲社区生活圈更完善、更便民。

◎阮栩 编辑

新闻推荐

建筑、环卫、保安等行业职工受邀到花城广场观赏灯光节

灯光节作品《窗口》。广州日报全媒体记者杨耀烨摄广州日报讯（全媒体记者杨洋通讯员罗瑞雄）“我要发一个朋友圈晒一晒！”...