公交站改名
白话广州
今日讲嘅仍然同路名有关系。前嗰排，广州交通部门话要对几十个公交站改名，有几句想讲下。
路名同站名，应该遵守“好听”“好记”同埋“好讲”呢三个原则。“好听”就唔多作解释喇，譬如以前嘅“缸瓦里”“阿婆塘”的确唔够风雅，借音改下名，对街坊日常生活影响唔大仲可以多段古仔。不过今次改嘅站名就唔同喇。譬如东风路上边两个大站——“东风大酒店”同“羊城晚报社”，前者改为“东风东路（陵园西路口）”，后者就改为“东风东路（广东工大站）”。的确，从字面上睇，方向清晰指代明确。但系如果有人同我问路嘅话，我就觉得好难答喇。呢个就系同“好讲”有关嘅问题。
事关东风东路比较长，假如唔答清楚系“陵园西路口”定系“广工”，真系有排行。问路嘅当然系初来步到嘅游客，本来就容易一头雾水，你答佢“东风东路”再加几个“后缀”，真系好容易搞到佢哋蒙查查，分唔清东南西北嘎。
其实，即便系东风大酒店改咗名，羊城晚报社搬走咗，呢两个“地标”都已经深入民心。就好似“越秀桥”咁，条桥都冇咗咁耐，但系一讲，你绝对唔会行错方向。大家话啱唔啱呢？◎李月婷 媒体人
新闻推荐
快讯林德良：REITs是摆在商业地产面前必须形成闭环的过程2019观点商业年会·现场快讯：2019观点商业年会于11月15日在...