落班打场波

白话广州

教师节嗰日，荔湾区林凤娥小学嘅一班同学仔别开生面，开展咗一场震撼嘅篮球操，仲摆出“老师好”3个大字。真系好有型啊！

姚明讲过，广东系篮球竞技运动嘅一块热土。竞赛场上有咁火爆，全因民间篮球运动开展得够热烈。早喺新中国成立之初，篮球喺广州就成为一项普及嘅运动。每日一落班，球场就一定塞满上班族，迟少少去都霸唔到位。

广州嘅地利，亦令篮球竞技发展抢得先机。上世纪50年代，当时嘅苏联队就曾经到广州交流，而且尽遣主力，喺越秀山体育场开战。当然，人家水平咁高，广州嘅队伍就梗系唔够打啦。但正系呢次机会，令广州开始正式组织集训，推动篮球运动向更高水平发展。到咗后来两届中南区篮排球比赛，广东队成绩就非常好了。第一届比赛，男女篮球队夺得亚军。1953年嗰一届，男女队全部夺冠。

有咗呢啲成绩鼓励，广州篮球运动开展得越发兴旺。到咗上世纪90年代嘅三人篮球赛，顶峰时足足有1968支队伍报名参加，主办方几乎要报吉尼斯纪录了。

时至当代，广州篮球运动发展得更有章法。特色学校嘅出现，令篮球具备更加深厚嘅青少年基础。◎梁倩薇 编辑

新闻推荐

珠光·御景壹号复式高端物业亮相 “悦江天际行宫”10套限量发售

资料图片超高层，400-900平方米超大户型复式，拥有天际泳池等多重独享空间，更重要的是，这里还地处广州城区一线江景区域，在家中...