“味水”之解

白话广州

早几日去小区泳池游水，一外地朋友问小弟：“你们说的"味水'是讲什么？”呵呵，老兄，你唔会认为“味水”系讲有味道嘅水吧？

“味水”系一个广州方言，指潜水。

点解广州人将潜水讲成“味水”呢？其实系咁嘅——

严格讲，“味水”嘅“味”只系一个同音字，正写系“没”，潜嘅意思。“没水”属古汉语，系指潜水，呢个词组喺好多古文中都出现过，比如：《晋书·谢玄传》：“小将田泓请行，乃没水潜行……”；《明史·张士诚传》：“五太子者，士诚养子，短小精悍……又善没水。”

众所周知，粤语唔少词组系继承咗古汉语嘅，但广州人喺使用过程中因讲究“催吉避凶”，有时系唔会照字读字，“没水”就系咁喇，大家嫌“没”字唔好听，所以就转音读成“味”。有趣嘅系，民间仲根据呢个词组创作咗开玩笑嘅名句——味过河南唔湿身。呢句话表面以为讲潜水游过珠江到河南（海珠区）可以唔湿身，犀利吧，但其实讲嘅系“未过”，用嘅系同音字。

“味水”仲被借作形容词，比如一个人做嘢时故意匿埋偷懒或逃避工作，就会被指责“呢条友又味水喇”。

虽然“味水”系指潜水，但呢种“潜”多指喺河涌、泳池呢啲小儿科地方，而真正讲到去大海潜水，大家仲系讲返“潜水”嘅，与时俱进嘛。

◎阿六 律师

新闻推荐

加装电梯，怎样统一高低层意见？ 沙园街采取“街道-社区-楼宇”三级工作机制解难题

街道、社区多次为沙园北街十三号之一居民就加装电梯相关事宜进行协商。通讯员供图地处海珠西部的沙园街，60岁以上老人...