正骨有“三宝”

白话广州

最近广州公布医疗卫生设施布局规划，唔讲唔知，原来正骨医院之前系谂住要搬走嘅，依家就唔搬喇，仲多咗市八医院呢个院区添。

讲起正骨，好多人都“迷信”老字号。就好似跌打药咁，大家都会觉得乜嘢药都唔够正红花油、活络油好使。而讲到正骨，手法最正宗嘅就莫过于西关嗰几位正骨名医喇。据讲以前西关嘅注册中医师有几百人咁多，长寿路、龙津路、和平路有好几条中医药街。西关正骨就系喺呢几条医药街开始发展，近代出过何竹林、霍耀池等等名医。

西关正骨系近代十大骨伤科流派之一。听下依家嘅骨伤科医生讲古，就知道西关正骨有几威水。以前嘅正骨绝技都系一脉单传嘅，有啲似武侠小说里边嘅绝技。上边提到嘅何竹林，地位相当于“近代祖师爷”，以前人称“再世华佗”，依家佢嘅传人都仲喺度行医。西关正骨之所以有咁多拥趸，系因为佢有“三大绝招”，一个系“古法复位”，流行啲讲，呢种治疗方法就系依家嘅“微创”，用手法推拿就可以恢复错位关节；另一个系“杉皮夹板”，呢种夹板系用广西嗰边嘅老杉皮，材质轻盈透气通风，关键系可以做“个性化”定制，唔怕噏住得并发症。第三个就系“百年名药”喇，何竹林独创嘅田七跌打风湿霜，当时好多街坊都买返屋企“看门口”，估计依家唔少人屋企仲有。◎李月婷 媒体人

新闻推荐

羊城晚报启动“2019中考名校行” 首站带你了解“低调且被低估”的广州市协和中学

协和中学何冠南校长发表主题演讲协和学生志愿者带领家长和学生参观校园4月21日，由羊城晚报教育发展研究院、广州市协和中...