广州羽坛威水史
白话广州
早前，喺世界羽联2019德国青年赛上面，广州队嘅罗徐敏代表国家出赛，协同队友夺得混双冠军，唔单止为国争光，亦成为咗广州羽毛球历史上嘅又一个骄傲。
讲到广州羽毛球运动嘅威水史，好多人都唔会陌生了。其中，关渭贞、张洁雯、劳玉晶、谢杏芳呢啲健将嘅名字早已为大家所熟悉。佢哋曾经喺羽坛上一再创造佳绩，亦为我哋带来咗好多紧张刺激嘅时刻。
广州羽毛球运动，点解会发展得咁好？自然系同佢发展得早有关啦。事实上，广州系中国最早传入羽毛球嘅城市，早喺1861年，英法殖民主义者“租借”沙面之后，羽毛球运动就随之被带入，并且逐渐传播开来。
不过，羽毛球嘅传入虽然早，但如果唔系一代代广州人用心力去经营，呢项运动亦唔会发展得咁好。
早前，“广州羽毛球教父”傅汉洵就举过一个例子话，喺上世纪50-70年代，训练条件之艰苦，现代人根本想象唔到，“个波打烂咗，无得换，点办？老师动员学生捐献鸡毛，将羽毛球改造成鸡毛球，训练先至可以继续落去。呢啲学生嘅父母起初仲奇怪，点解啲鸡好哋哋会无晒毛呢？经老师解释，先恍然大悟。”
当时嘅条件咁艰苦，但好在大家都有理想，所以齐心协力创造咗一代又一代嘅辉煌，亦都使广州成为咗世界羽坛之中嘅重要一极。◎梁倩薇 编辑
新闻推荐
相关新闻 广州市代表团参加中国 发展高层论坛2019年年会 张硕辅温国辉会见澳门特首崔世安及13家知名企业负责人
羊城晚报讯记者罗仕、通讯员史伟宗报道：23日至25日，省委常委、广州市委书记张硕辅，市委副书记、市长温国辉率广州市代表团赴...