“葡桃”兄弟
白话广州
“妈咪！好得意，你睇下，呢棵树上有啲先开花，有啲已经结果，仲咁大只添。”放学时分，一位六七岁嘅小朋友，指住路边一棵树惊喜咁话俾妈咪听。只见树上有啲枝桠正开住白花，好似一个半圆球布满细针咁；另一啲枝桠就已结果，有啲已经成熟，露出金黄色，有啲仲细细只好似粒丸仔咁。
原来，呢棵系葡桃树，广州到处都能见到，路边、小公园、小区大院都有。我细个阵时喺河边、山上，都时常睇到佢哋嘅身影。佢嘅肉虽然有啲干水，不过都可以食，而且仲有一阵淡淡嘅香味。家阵，令上面呢位细路仔好惊奇嘅系，其它水果好多都系统一节奏，一家“细路”一起开花，一起结果，点解葡桃树上，就有唔同嘅节奏，就好似一家兄弟姐妹，有大有细咁。
原来，葡桃树最常见结果时间系5到7月份，不过具体同气候、环境有关系，譬如有啲枝桠向阳，享受嘅阳光多，可能就早啲开花结果。而且，唔单只春天，夏天、秋天葡桃都会有零星嘅花开，亦见果实。虽然大部分一齐开花，但同一棵树上花期嘅早晚唔同，所以果子成熟时间就刚好错开。而且，唔单只葡桃树，好多果树都有呢种现象，只不过有啲唔会太明显，譬如，同样喺广州可以见到嘅波罗蜜、番石榴等等，都会“大细同堂”。
◎闻歌 媒体人
新闻推荐
《石谷新田》纸本设色林丰俗《山中夜月》纸本设色林丰俗由广东美术馆主办的“自然与田园——林丰俗的绘画世界”于3...