冇雷公有几远？

白话广州

“三几岁嘅细路，返学最好都系离屋企近啲好，米搞到冇雷公咁远，老人家点接送呢？”晨早，喺电梯度，几个街坊分别带住各自嘅小朋友，急急脚咁赶返幼儿园或者小学，倾起拣学校远近嘅问题。“咁有几远，先冇雷公？”有个小朋友就插嘴问，搞到大家一齐笑。

呢个问题问得好，冇雷公嘅地方，究竟有几远，喺广州人嘅心目中几乎系难以想象。讲起好啱，最近就系雷公返来嘅日子，广州嘅春夏都少不了嘅“主角”之一。不管中意与否，都无法摆脱佢。喺广州人嘅心目中，真正嘅远，莫过于冇雷公嘅地方。要较真啲，睇白要科学家解释下先得。

广州话仲有好多同雷公有关嘅俗语。譬如“雷公打交，争天共地”，意思系话天上个雷神争夺天地，引申为相差十万八千里，不可同日而语。“雷公劈豆腐，攞软嘅来虾”，雷公力大无比，豆腐就极其软弱，呢句俗话就讽刺咗嗰啲逞强欺软嘅人。

事实上，雷公唔会打交，更加唔会虾软怕硬，相反喺好多街坊嘅心目中，佢系一个主持天道，专门惩罚恶人嘅神仙。不过，广州话嘅想象力好丰富，雷公几乎变成咗百变星君。呢点，雷公估计亦唔会介意，不过佢亦系一个唔可以轻视嘅人物，雨天出外，记得防雷，避开呢位大力士喔！

◎闻歌 媒体人

新闻推荐

华南师大与保利发展签署战略合作协议 整合优势资源 共创优质教育与美好生活

华南师大将与保利发展共同搭建高层次人才交流和产学研平台。3月8日上午，华南师范大学与保利发展控股集团股份有限公司...