新河浦又升级

白话广州

最近，越秀区发布《东山新河浦全域旅游文化体验街区品质提升计划》，提出要将东山新河浦街区打造成为“艺术生活社区”、粤港澳大湾区“宜居宜业宜游的优质生活圈”样板区。睇来，呢片老社区又会迎来一次新变化啦。

新河浦社区，自上世纪初开始繁荣以来，就系广州一方宝地。发展咗上百年，至今呢度留低咗400栋民国建筑，全部都保存良好，骨致玲珑，唔单止受到本地文化人士嘅关注，亦系市民日常休闲嘅好去处。为此，新河浦社区亦早早成为广州第一个被连片保护嘅历史文化街区。而今次“艺术生活社区”嘅提升，正系立足于过往良好嘅保育之上，先能够顺利开展。

新河浦社区，究竟有咩地方好玩呢？除咗大家熟悉嘅七中、培正老校，东山堂之外，五大侨园亦系一组精致而值得欣赏嘅建筑，包括春园、简园、明园、逵园同隅园，唔单止风格独特，而且各有故事：春园系中共三大代表居住过嘅地方。逵园系外地代表来寻找会址时一个著名嘅坐标。简园由南洋烟草公司简氏兄弟所建，见证过广州人支持国货，同英美烟商竞争嘅风云岁月……

如今，呢啲历史故事同埋当年嘅实物，街坊可以去东山洋楼现场感受，亦可以去新河浦历史文化博物馆参观。喺社区升级改造之前，大家不妨先去一睹为快啦。

◎梁倩薇 编辑

新闻推荐

百年木筷店的老手艺人讲述筷子的意义： 锉一世筷箸 知千年甘苦

俗话说：过了小年就是年。这天开始，家家都要备年货、迎新年。1月28日10时，广州越秀区天成路已经热闹起来，顺着路上淡淡的檀香...