酒楼团年饭

白话广州

上周新闻话，广州好多酒楼新年嘅团年饭都订满咗，有啲街坊中秋过后就开始落订，担心到时冇位。同旧阵时相比，睇来唔少人都接受团年饭喺酒楼食，呢个变化越来越明显。据一个小调查，至少有两成以上嘅街坊，选择喺酒楼食团年饭。

呢个话题引起唔小嘅争议。“团年饭梗系要喺屋企食，咁先有气氛嘛”，有啲街坊就话，喺屋企自己中意食乜就整乜，而且仲悭钱添。不过，亦有唔少人认为，只要一家团圆，喺边度食都冇所谓，而且去酒楼食悭返工，干手净脚，屋企嘅老人家都唔使买餸煮饭咁辛苦。每个家庭都有自己嘅考虑同选择。时代会令我哋好多习俗不经意咁发生改变。食年夜饭，唔单只可以去酒楼，而且仲有家庭选择西餐甚至自助餐。菜单更不必讲，过去嘅大鱼大肉亦慢慢变成更健康嘅餸菜。咁样嘅团年饭，以前根本无法想象。

有人话家阵嘅年味变淡咗，过年嘅仪式感已经不复存在。不过，换个角度睇，如今物质嘅丰富，旧阵时团年饭先有嘅丰盛，依家随时都可以享受；交通、通讯嘅进步，令到大多数家庭嘅团聚，亦变得越来越便利，所以团年饭就有咗变化嘅空间，有啲家庭甚至团年饭喺旅游中度过。所以，最重要嘅系家庭嘅幸福团聚，至于团年饭喺边度食，就可以更加灵活多样。◎闻歌 媒体人

新闻推荐

“新时代文艺，广州再出发” 广州市各文艺家协会新一届“掌门人”畅谈发展新思路（上）

日前，广州市各文艺家协会相继召开换届大会，选举产生了新一届主席团。此次换届既是一次文艺力量的再发掘、文艺骨干的再汇聚...