羊城咖啡缘

白话广州

今年以来，互联网资本烧到去咖啡界了。好多人都感受到，城中出现咗好多线上咖啡品牌，玩法亦都有唔少：微信、拼团、口袋咖啡馆……概念层出不穷。

但系计我话，咖啡都仲系去咖啡馆慢慢叹比较好。事关“叹咖啡”并唔系解渴提神咁简单，佢既系休闲，亦系社交，更加系一种文化。

作为千年商都嘅广州，街坊对呢一点嘅体会尤其深。因为，广州同咖啡嘅缘分非常久远，可以追溯到19世纪“一口通商”时代，当时，中国人将茶叶卖到外国，外国人将咖啡带来中国。中国嘅第一家咖啡馆就开喺十三行洋人聚集区，老细系一个丹麦人。

不过，当时广州街坊对于呢种黑卒卒、又苦又酸嘅饮料并无认识。从清嘉庆年间《广东通志》嘅记载就可以睇出，就连文化人都以为佢系一种酒：“有黑酒，番鬼饭后饮之，云此酒可消食也。”呢段话，一睇就知写嘅人无饮过咖啡啦。

但系，咁又唔怪得街坊嘅，事关清朝政府保守闭塞，禁止百姓着洋服、食洋饭，如果未经准许，就连洋话都唔准学，更加咪话尝试咁古怪嘅咖啡啦。一般人唔敢去饮，来来去去就只有洋商去帮衬啦。

呢种禁制，直到民国期间先至放开，熟悉咖啡嘅街坊越来越多，咖啡文化亦逐渐流传开来。时至今日，咖啡馆亦成为羊城血脉中极为小资嘅部分啦。◎梁倩薇 编辑

新闻推荐

2019赛季亚冠联赛中国获“3+1”名额 中超亚军恒大将直接进入正赛

信息时报讯（记者邹甜）2019亚冠联赛抽签仪式将于本月22日吉隆坡时间16时30分举行，根据亚足联向各国足协下发的最新的抽签机制...