古老黄埔村

白话广州

来广州深度游，要彻底感受呢座城市嘅前世今生，最好嘅办法，就系睇睇佢嘅古迹同民俗活动。但系，如果你嘅时间有限，想揾一个地方集中感受，咁样，黄埔古村就系一个好选择。

黄埔村，唔喺黄埔区，而喺海珠区，依托住大名鼎鼎嘅黄埔古港，曾经见证过广州千年海上丝绸之路嘅繁荣。

作为古代海上丝绸之路嘅重要节点，广州有过好多商贸古迹，可惜，唔少都随住时光嘅消逝而湮没。而黄埔古村，唔单止保留咗好多古老嘅岭南建筑群，而且，大量传统风俗亦会年年上演，精彩绝伦。

例如北帝诞，黄埔古村唔单止会家家户户祈福，而且，村里面仲会上演飘色、舞龙、北帝斋等活动。热热闹闹嘅巡游队伍，会经过每一个宗姓嘅祠堂，送上祝福同敬意。全日嘅场面，分分钟墟撼过新年。

来紧嘅乞巧节，再远啲中秋节等传统节日，黄埔古村都会有相应嘅活动，摆香案，祭祖先，各姓氏兄弟齐集一堂，联络感情。如果游客咁啱去到，仲有机会坐低饮杯，感受一下嗰份传统味道。

相对于其他未开发嘅村落，黄埔古村设施比较齐备。游览时，可以分开水陆两条路线，走水路，系寮屋、茶室、小埠头，一派岭南水乡风光；走陆路，系麻石街、古建群，仲有祠堂里面精彩嘅人文故事——千年黄埔村里面嘅广州历史，等待你亲身去感受。◎周公子

新闻推荐

换领驾驶证 5分钟搞掂 车管所多项服务更便民 “通道式”上牌提供“一站式”服务

民警打开执法记录仪验车。广州日报全媒体记者邱伟荣摄据“公安部交通安全微发布”消息，7月底前，资料减免、一证即办、...