泰康路竹器
白 话广州
新闻话，一家位于回龙路嘅老字号竹篾店，近日成咗唔少广州年轻人嘅打卡点，呢间店系一家传承咗四代嘅手工艺店，一直都系卖各类竹藤制品。
喺回龙路隔篱嘅泰康路，曾经系好出名嘅广州竹器集散中心。呢度主要系卖啲“山货”竹器，好似席、箩、篸（笸箕）。据讲，以前泰康路出售嘅草席系当时好热门嘅抢手货，无论系肇庆席、东莞席，定系湛江席、遂溪席，各地各种嘅草席、藤席都可以喺呢度买到。喺上个世纪五六十年代经济困难嗰时，简直就系一席难求。嗰时啲新婚夫妇想要买番席嚟结婚，仲要凭结婚证先可以买到。
而回龙路，佢嘅竹器历史比泰康路仲要早。原来，回龙路靠住水母湾，佢系当时放竹排嘅地方，大多系广宁、怀集嘅竹篾。喺清末民初开始，就逐渐形成咗一条竹藤棕草嘅街市，呢度啲草帽、扫把、蒸笼、竹箩，坚实耐用，非常之受欢迎。1918年开始，广州开展咗拆城墙修筑新路嘅运动，呢时候，广州最南边嘅城墙拆咗，筑成咗而家嘅泰康路。开辟咗大马路之后，回龙路呢度啲竹器店、竹藤棕草作坊纷纷扩张，冇过几年就将成条泰康路占晒。泰康路竹器中心嘅名气就系咁逐渐传播咗出去嘅。◎阮栩 编辑
新闻推荐
本报讯（记者潘洁婷通讯员欧学雄张卜丹）7月20日上午，副市长黄明忠到遂溪县岭北镇人大代表中心联络站，以人大代表身份接待...