树上嘅菠萝
白话广州
“妈咪，你睇下，好大只”“嗰个喺树菠萝来嘅”。喺小区，一位小朋友见到一棵树上结咗几个“大嘢”，好奇咁问妈咪。树菠萝，又叫菠萝蜜，喺广州好多小区、学校都可见到。不过，因为佢哋嘅树大，果实结得高，亦唔容易发现。
广州人之所以叫佢哋作树菠萝，系要区分开另一种“菠萝”，即系凤梨。记得读书阵时，我哋学校就有一棵树菠萝。有一次，几个同学见到佢果子咁大，趁住夜晚偷偷爬树，摘咗只返宿舍，放喺床底，谂住等佢熟透先开食。一个月之后，打开一睇，一啲果肉都冇。有人就话，佢仲未长熟，当然唔会有肉啦。嗰时我先明白，一只树菠萝要长到有肉，比我哋想象中难好多。
事实上，我怀疑，广州啲树菠萝是否真嘅可以长到有肉可食。广州并唔算真正嘅热带。而树菠萝，需要高温、潮湿嘅气候，喺粤西湛江、茂名等地，就盛产呢种美味嘅水果。佢嘅果肉爽滑、甜脆，香气扑鼻。按照果肉所含嘅水分，又分成“干包”“湿包”两种，其中干包更加好味。佢嘅果实非常大，一只可以有十斤以上，不过结得少，且生长得慢。而湿包，就长得快，熟得亦快，果实够多，但系细只。呢样嘢，就好似人类咁，有啲人从细就系天才，出类拔萃；有啲人，要靠岁月积累，慢慢先成才。
◎闻歌 媒体人
新闻推荐
本报讯（记者闵志通讯员邓维勇）7月11日上午，湛江市红土地社会工作服务中心协同湛江市公安局强制隔离戒毒所共同开展团体...