呢个盒有嘢到
白话广州
前两日，中国邮政发行咗一套《丝绸之路文物（二）》特种邮票，其中就包括咗广州西汉南越王博物馆嘅“汉·凸瓣纹银盒”。佢嘅出现，亦印证咗广州喺海上丝绸之路呢段历史中嘅重要地位。
呢个银盒，其实好多人都见过。锤揲法工艺、銮薄金色泽、蒜瓣纹造型，都曾经出现喺好多介绍广州嘅大场合之中。佢系被公认嘅、中国发现嘅、最早嘅“来路货”，因为款式同本地器具大不一样，却喺当时嘅中东地区非常流行，所以，考古学家经过多方论证之后，就认为佢来自于古代帝国波斯，后来随住海上丝绸之路嘅贸易路线漂流，最后先来到广州呢片千年旺地。
类似款式嘅盒仔，其实喺安徽、江苏、云南等地都出土过。但因为系来路货，所以大家都唔多清楚佢究竟攞来做乜嘅——而关于呢一点，西汉南越王博物馆嘅银盒提供咗几乎唯一嘅答案。因为佢出土时肚里面系有料嘅：装住一堆早已碳化、黏埋一齐嘅药丸，放喺墓主棺椁嘅“足箱”之中，就好似昭然若揭嘅谜语，暗示住某种神秘尊崇嘅意义。
呢个“汉·凸瓣纹银盒”，就如广州呢座千年商都一样，本身带出古老嘅秘密，等待住后人去继续追寻。
◎梁倩薇 编辑
新闻推荐
为支持粤港澳大湾区建设，工商银行在珠江新城设立了总行级科创中心“广州科创企业金融服务中心”。董天健摄风展红旗迎百年...