一蚊坐公交

白话广州

“我坐嘅公交，又变返一蚊鸡啦！”呢排有街坊好惊喜咁发现，广州有啲公交线路嘅票价，从两蚊降到咗一蚊。有啲网友就话，一蚊鸡令佢哋谂返到旧阵时嘅非空调公交时代。

呢次部分公交线嘅降价，好可能系部分线路里程比较短。据相关规定，日班公交全程唔够11.33公里嘅线路，只能收一蚊。无论原因系乜嘢，降价对街坊来讲都系好事，尤其系天天上落班嘅人，更系悭返一半钱。

一蚊车费仲勾起网友对旧阵时广州巴士嘅回忆。几十年前，喺广州坐巴士只需要4毫纸，嗰阵时仲有售票员喺车上卖票，佢哋着住公交公司嘅工装，一手攞住车飞，一手接住啲钱，逐个乘客卖票。到咗一蚊鸡嘅时代，广州嘅巴士基本都换成咗无人售票，啲乘客要准备好散纸。我仲记得，有时候冇一蚊，都要到站台隔离嘅报档买份报纸，又或者去便利店买支饮料，找开佢。

今时唔同往日，广州公交如今唔单只冇人卖票，而且连散纸都唔需要准备。从投币，到羊城通刷卡，再到依家上车“嘀”下手机二维码，越来越方便。从汽油车到LPG车，从开窗车变空调车，而且车上面仲可以USB充电。呢啲，都系广州人生活巨变嘅缩影。◎闻歌 媒体人

新闻推荐

“倪惠英粤剧·粤歌艺术专场”一家三口首度同台演出经典融合流行 听醉了耳朵

倪惠英与黎骏声表演折子戏。倪惠英一家三口登台表演。倪惠英演绎的杜丽娘青春、灵动。以一曲粤歌《蝶恋花》压轴登场。...