莲花山寻宝

白 话广州

珠江日游最近推出新玩法：街坊只有买张船票，喺天字码头落船，就可以一路东游玩到莲花山，欣赏呢个岭南著名景点嘅风光了。

讲起莲花山，好多人都知道佢有丹霞地貌、红砂岩石、古代采石场……相信好多人细时都去过。但比起呢啲传统项目，近年来，莲花山频频上热搜嘅，其实系佢嘅睡莲。

莲花山一向系赏莲胜地。近年来，当地嘅荷花节、睡莲节等定期举办，更为花景增色不少，以致呢度时不时就会出现一两个“宝贝”——例如喺寻常人眼中，并蒂莲就已经相当罕见了。但喺莲花山呢度，并蒂唔算离奇，就连“七蒂莲”都曾经出现过：一条花茎，七个花冠，而且仲要系其中六个花冠360度围成一圈，簇拥住中间一个。啱啱好，围成一朵大莲花，真系天然妙趣，世间少有。

更加奇特嘅系，呢度仲出现过同芯睡莲：同一朵花，人哋只有一圈雄蕊，佢就偏偏有两圈，而且仲要系完整嘅，就好似一朵花有两个芯咁，你想搵多朵都好难。

莲花山上独特嘅睡莲咁多，同呢处品种丰富、环境宜人系分唔开嘅。眼下正值春季，再迟啲，睡莲又要开花了。大家就不妨去莲花山寻下宝，睇下可以搵到乜嘢奇怪嘅品种了。

◎梁倩薇 编辑

新闻推荐

广州超10万家企业 “上云上平台”上云企业数量居于全国第一梯队

羊城晚报讯记者孙晶、通讯员穗工信宣报道：26日，记者从广州市工信局组织的制造业数字化深调研活动中获悉，目前，广州“...