恶搞路名真无聊
白 话广州
上个星期日，有高中同学喺群度发咗一张网上地图嘅截图，上面显示喺番禺大石附近，有一条路叫做“北是鸠路”，因为似粤语粗口，据讲引起好多街坊热议。
首先要纠正一下：认为“鸠”系粤语粗口，系错嘅。粤语粗口有五个字，当中有一个近音“鸠”，但唔系咁写，所以“鸠”非粗口。
讲返嗰张截图上嗰个路名，当日喺群度，小弟就对佢嘅真实性表示怀疑，于是上广州地名网查过，结果查唔到。但有同学仲系坚信，话有啲网页同导航上都见有。
又咁啱，次日，本地一家电视台嘅记者按照呢张截图，去到当地求证有冇呢条“鸠路”，结果又系：查无此路。
小弟点解一开始就怀疑呢个路名系流嘢呢？
喺过往写嘅“白话”中，小弟多次讲到，广州人对于粤语名词使用，历来都有避开有唔好听同音、近音字嘅传统。虽然讲“鸠”并非粗口，但组成“北是鸠路”，喺读音上明显近音粗口，大家又点会反传统起咁嘅名呢？管理部门又点会批呢种名出街呢？
电视台记者当日喺现场采访时，发现有一条路叫做“新北东四巷”，所以，相信系有人根据呢个巷名，喺网上恶搞出“北是鸠路”嚟愚弄街坊。呢啲人认真无聊。
◎阿六 律师
新闻推荐
■养育员抱着会动的小恐龙宝宝,让观众近距离接触。■乐园贴心设有休息区,如果爸爸妈妈们带孩子玩累了,随时可以歇歇脚。...