定制一棵荔枝
白话广州
夏天嘅脚步又近咗，唔少水果又准备上市。新闻话，作为岭南佳果嘅从化荔枝，家阵都可以提前定制，等成熟后亲自去采摘，估计唔少街坊都会心喐喐。
从化喺广州嘅“市肺”之一，唔单只山清水秀，而且出产嘅荔枝特别有名。佢哋从旧年开始推荔枝定制，俾啲街坊提前“认”一棵自己心水嘅果树。据统计，旧年定制咗1.1万棵，订单价771万，亦即系平均每棵约700蚊，价格适中。其实，当地推呢样嘢，唔单只卖荔枝咁简单，仲希望以此带动周边嘅旅游、餐饮，可谓一举多得。试谂下，周末一家大细，摘完荔枝，顺便浸下温泉，游下流溪河或者石门森林公园，品尝当地嘅农家乐风味，都几惬意。
喺互联网普及下，家阵好多地方对农产品，尤其系蔬菜水果，都争住创新销售嘅模式，譬如直播、品鉴会等等。对于从化荔枝来讲，有个优势就系紧邻广州中心城区呢个可观嘅市场。
不过，要想长期吸引街坊，从化仲有唔少事可以做。比如，改善一下荔枝果园周围嘅交通、食宿嘅配套，俾前来采摘尝鲜嘅街坊一个完美嘅体验。美味嘅荔枝，加上便利嘅设施，舒心嘅服务，相信街坊定会“返寻味”。◎闻歌 媒体人
新闻推荐
广州日报讯（全媒体记者何钻莹通讯员胡佳佳）记者从从化区政务服务局获悉，从4月1日起，从化区税务局驻区政务服务中心办税服...