西关嘅津甫基

白话广州

讲到西关，其实仲有好多古仔。唔知大家有冇谂过，西关有几条“津”有几个“甫”又有几条“基”呢？

第一个问题同第二个问题有关。记得早年间我写过西华路嘅第一津，比较多人接受嘅讲法，系第一津同西关嘅十八甫有关。有人话，“甫”系指“埠头”，而西关地名里边，“甫”从第二甫开始一直到“十八甫”，但就冇“第一甫”嘅讲法。咁系咪冇“第一甫”呢？非也！呢个“第一甫”就系“第一津”。喺以前，津系指渡口，渡口就有“甫”，即系埠头。

第三个问题，系西关嘅“基”。其实西关系喺“津”“甫”“涌”“基”呢几种地理形态逐渐发展扩大嘅。“津”“甫”因为临江而出现，后嚟江岸南移，呢片水域就变成湿地，当地嘅居民开始筑堤造田，呢啲堤又叫做“基”，慢慢形成依家仲留有地名嘅曹基、冼基、陈基等等。因为河涌开通，居民聚集，呢啲基围逐渐变成居民嘅聚居之地，进而形成街巷。

提到陈基，虽然只有百来米，“隐身”喺清平药材市场旁边，但佢当年亦都架势过——呢条巷里边，有间“普贤堂”。一百年前，呢间“普贤堂”饮誉省港澳，出过唔少广东粤剧、音乐同曲艺戏班嘅名师。

◎李月婷 媒体人

新闻推荐

四川人艺话剧《尘埃落定》4月底广州开演 96位演员带你走进魔幻现实历史

▲作者阿来更盛赞这次改编非常圆满。话剧《尘埃落定》即将于4月23日~25日在广州大剧院上演。信息时报讯（记者黄文...