游览大钟楼④

信息时报 2021-03-25 04:29

白话广州

上一篇文章，我介绍咗粤海关博物馆入边好特别嘅腰门同税务司办公室，其实佢嘅特别又点止呢啲？

最简单嘅地面部分，有唔少系铺住马赛克瓷片嘅，呢种细细粒嘅马赛克，主要参照古希腊时期嘅装饰，有圆花式、莲花式、回纹波形饰。但系而家，成个大钟楼都铺满晒地毯，将呢啲珍贵嘅地面建筑保护起身，唯有一楼嘅总务课大厅嘅角落度，用玻璃展示出少少俾游客参观。

仲有就系护壁，佢上边嗰釉面砖俾人叫做“冬瓜青”——呢度啲釉面砖啱开始嗰时系墨绿色嘅，经过咗成百年，受到日照、湿度、温度、风化等条件嘅影响，就慢慢噉变成咗呢种淡淡嘅“冬瓜青”。呢种咁独一无二嘅颜色，就系时间嘅杰作啦。

除咗之前介绍嘅门，大钟楼嘅窗都系一绝。过咗咁耐，仲有相当部分嘅窗玻璃保留咗落嚟，呢种玻璃叫做压花扩散投射玻璃，佢透光但系唔透视，抗风挡雨嘅效果相当好。窗户嘅铜推手喺嗰时就好先进，上边打有好多个窿，可以控制窗开启嘅大细角度。呢度，就连厕所嘅气窗都唔同其它嘅建筑。以前，一般嘅气窗大多系上悬窗，而大钟楼嘅系下悬窗，方便从外边开关。呢啲咁实用嘅设施，既巧妙又体贴。◎阮栩编辑

▲多年不见，父女相拥而泣。在志愿者帮助下，武智美和家人重聚。通讯员供图信息时报讯（记者陈子垤通讯员陈勤英）“你们...