帮年桔揾个新家

白话广州

春节假期过去，有啲街坊开始收拾屋企嘅年花年桔。呢几日，广州多个街道都发咗温馨提示，话俾大家知，离屋企最近嘅年桔处理点喺边度。

跟其它垃圾唔同，年桔通常系大件嘢，除咗树以外，嗰花盆、花泥都重氹氹，所以呢排啲环卫工都特别辛苦。为咗减少佢哋嘅负担，我哋将年桔掉咗阵时，一定要送去收集点，仲要将桔树、花盆同花泥分开。有啲区，好似白云咁，就公布咗完整回收嘅点，俾啲花农直接收返利用，悭返重新买嘅钱，真系一举两得。

其实，除咗将啲年花年桔掉咗，我哋仲可以谂下办法，点样将佢哋重新利用，唔至于影响环境。我哋小区嘅花圃，就有部分零散咁种咗啲年桔，佢哋都系从住户屋企回收返来嘅。呢种办法，一来延长咗年桔嘅生命，二来亦悭咗买花种、树种嘅开支。仲有个好处，每逢春天，年桔树都会开花，花嘅香味有啲似九里香。有时候我哋散步行过，都会俾呢啲花香吸引。

计我话，呢一点，唔少小区都可以学下。向住户征集部分长得好嘅年花、年桔，将佢哋移植到小区嘅花圃。睇到自己屋企嘅年花年桔，喺更广阔嘅花园中继续开花发芽，亦系一件开心事。

◎闻歌 媒体人

新闻推荐

开学首日 广州交警全力以“护” 多管齐下确保学校周边路段交通安全有序

▲交警在花都区一学校校门处值守。交警正在检查校车的情况。信息时报记者胡瀛斌摄信息时报讯（记者陈...