重现“御花园”

白话广州

今年过年喺广州，啲节目真系丰富到冇朋友。随便去个景区都有新年活动，多到你唔知点拣。呢啲节目唔单止多，有啲仲好特别添，好似南越王宫博物馆噉，用咗好多高科技手段，令人耳目一新，成个参观过程变得令舍有趣。

去过呢个博物馆嘅朋友都知道，佢其实就系南越国宫署嘅遗址。入边最特别嘅就系发掘咗王宫以前嘅“御花园”，有曲流石渠遗迹。据讲，呢度以前系引白云山甘溪嘅水入嚟，经过水池储水后，再由木箱暗渠流到石构明渠，九曲十八弯，人企系花园度，就可以欣赏到曲水流淌，春流落花秋淌叶，水度仲养埋鱼龟鳖蚌之类嘅水生动物，好有生活情调。

咁别致嘅“御花园”，净系睇到残破嘅遗存，系未觉得有啲遗憾呢？如果佢哋活生生噉重现喺你面前，你可以睇到渠入边啲水潺潺流淌、水度啲龟鳖爬行、游鱼嬉戏；如果仲见到岸上嘅草地、亭台小桥 ，两千年前嘅岭南园林美景好似重现眼前噉。

好彩嘅系，呢种情景而家真系可以喺南越王宫度睇到，佢用咗声光电复原水流景象，真系好逼真。咁得意嘅“全息穿越”，令你可以 睇到一个“翻生”嘅南越王宫。

◎阮栩 编辑

新闻推荐

202个“攻城拔寨”重点项目建设誓师 总投资共6264.5亿元，年度投资910.6亿元

信息时报讯（记者崔小远）昨日上午，南沙新区（自贸试验区）举办2021年“攻城拔寨”重点项目建设誓师大会。在中科空天飞行科技产业...